Löps se mèt?

Wils se gaer mieër nao boete mer ès ‘t soms lastig öm dichzelf op te pakke? Of hees se ’t te drök woedoors se neet aan ’n lekkere wandeling toe kums? Wandels se gaer mer lever neet allein? Loup dan mèt!   

‘Löps se mèt’ is ’n nej initiatief van ’t Dörper Overleg Heldendaad. ’n Lieëgdrempelig, vrejblievend en kosteloos wandelinitiatief woe idderein welkom is. Kom allein of neem emes mèt en geneet van bewege in de boetelóch, ’n praotje en netuurlijk oos sjoeën Heljese netuur. Doe hoofs dich neet aan te melde en doe kèns idder waek opnej keze of se mèt geis. Veurluipig sjtarte we waekeliks oppe dónderdig öm 9:00 oor.

 ’t Sjtart- en eindpunt is de parkeerplaats bej Kèrkeböske. Aafhankelik van ’t aantal wandelaars, de behoefte en fysieke meugelikheden, bepale we same wie lang d’r wördt gewandeld. Oh jao, wils se gaer waekeliks op ’n vas moment gaon loupe mer is de dónderdig gènne passenden daag vör dich? Sjteur dan ’n berichje nao wandelen.heldendaad@outlook.com zoedet wae kènne inventarisere of d’r op angere daag of tieje ouch ‘ne groep gesjtart kèn waere.

Doe bès oetgenuddigd…….Löps se mèt?